საგურამოს შეზღუდული შესაძლებლობის მქონე ბავშვთა და პირთა დღის ცენტრის „იალონი“ სერვისით მოსარგებლეებს კიდევ ერთი გამორჩეული და შთაბეჭდილებებით სავსე დღე ჰქონდათ – ამჯერად ჩვენი მოგზაურობის მარშრუტი ისტორიულ ანანურზე გადიოდა.

ჩვენმა გუნდმა: მოილოცა ანანურის ტაძარი; გაიცნო ამ ულამაზესი კუთხის მდიდარი ისტორია; დაათვალიერა გარემო, გაისეირნა და დატკბა ბუნების საოცარი ხედებით.

ახალი ადგილების აღმოჩენა, საინტერესო გამოცდილებების მიღება და ერთმანეთის გვერდით ყოფნა ჩვენი ყოველდღიურობის ყველაზე მნიშვნელოვანი ნაწილია. „იალონის“ მოსარგებლეებმა დღე უამრავი ღიმილით, სასიამოვნო ემოციებითა და საუკეთესო განწყობით დაასრულეს!