ქუთაისის შეზღუდული შესაძლებლობის მქონე ბავშვთა დღის ცენტრის „ჯადოსნური სამყარო“ და ხანდაზმულთა სოციალური ცენტრის მეგობრობა წლებს ითვლის. ბავშვები და ხანდაზმულები ყოველწლიურად ერთად აღნიშნავენ მნიშვნელოვან თარიღებს და ერთმანეთს სასიამოვნო განწყობას უქმნიან. წელსაც, 1 ივნისს, ბავშვთა დაცვის დღე დღის ცენტრის აღსაზრდელებს სოციალური ცენტრის ხანდაზმულებმა მიულოცეს და ბავშვებს საკუთარი შემოქმედებით დღე გაულამაზეს, დღის ბოლოს, მრავალწლიანი მეგობრობის ნიშნად, საზეიმოდ ტორტი გაჭრეს.